Një përplasje fizike mes dy grave ka ndodhur mbrëmjen e sotme në Vlorë.
Sipas informacioneve paraprake, dy shtetaset janë konfliktuar me njëra-tjetrën për arsye ende të paqarta, ndërsa debati ka degraduar në dhunë fizike, me goditje me grushte dhe shkelma.
Ngjarja ka tërhequr vëmendjen e kalimtarëve dhe ka krijuar tension në zonë, duke bërë të nevojshme ndërhyrjen e efektivëve të policisë për normalizimin e situatës.
Pas incidentit, të dyja gratë janë shoqëruar në ambientet e Komisariatit të Vlorës, ku po kryhen veprimet procedurale dhe po hetohen rrethanat që çuan në konflikt.
