Çdo përvjetor martese ka një personifikim ngjyrash, ja se çfarë duhet të dhuroni

Ditët e përvjetorëve, vit pas viti, festohen nga çiftet si një kujtesë për ditën e martesës. Çdo vit ka një simbol që shoqërohet edhe me një festë sipas rastit.

Dhuratat dhe simbolet e viteve të martesës:

1. Në vitin e parë të martesës festohet përvjetori i pambuktë. Në këtë ditë dhurohen çokollata të mbyllura me një letër rozë.
2. Në vitin e pestë të martesës festohet përvjetori i mëndafshtë dhe ëmbëlsirat mbështillen me një letër në nuancë të kaltër.
3. Në vitin e 10-të të martesës festohet përvjetori i kutive, të cilat mbështillen me ngjyrë të verdhë.
4. Në vitin e 15-të të martesës festohet përvjetori i porcelantë, dhuratat mbështillen me letër me nuancë bezhë.
5. Në vitin e 20-të të martesës festohet përvjetori i kristaltë, dhuratat mbështillen me letër të verdhë.
6. Në vitin e 25-të të martesës festohet përvjetori i argjendtë dhe ngjyra është e njëjtë me përvjetorin.
7. Në vitin e 30-të të martesës festohet përvjetori i perlave. Dhuratat duhet të mbështillen me ngjyra të kaltër deti.
8. Në vitin e 35-të të martesës festohet përvjetori i safirit. Gjatë kësaj dite sundon nuanca e kaltër.
9. Në vitin e 40-të të martesës festohet përvjetori i smerald. Gjatë kësaj dite sundon nuanca e gjelbër.
10. Në vitin e 45-të të martesës festohet përvjetori i rubinit, dhuratat duhet të mbështillen me ngjyrë të kuqe.
11. Në vitin e 50-të të martesës festohet përvjetori i artë dhe, sigurisht, është ngjyra e artë që sundon këtë festë.
12. Në vitin e 55-të të martesës festohet përvjetori i fildishtë dhe nuanca e bardhë e fildishtë duhet t’i mbulojë dhuratat e bashkëshortëve.
13. Në vitin e 60-të të martesës festohet përvjetori i diamantë dhe dhuratat mbështillen me letër të bardhë./ Express