Një vjedhje e rëndë është raportuar në fshatin Keqekollë të Prishtinës, ku persona të panjohur kanë depërtuar me forcë në objektin e një xhamie.
Sipas raportit policor, rasti ka ndodhur dje, ndërsa të dyshuarit kanë hyrë brenda objektit fetar dhe kanë vjedhur arkën e parave.
Shuma e parave që ndodhej në arkë ende nuk është bërë e ditur.
Policia ka dalë në vendin e ngjarjes dhe ka nisur hetimet për zbardhjen e rastit dhe identifikimin e personave të përfshirë.
