Shkruar nga: S. H | Publikuar më: 26.05.2026, 16:05
Një video dramatike që po qarkullon në rrjetet sociale tregon një person në Nigeri, të cilin mediat vendase e përshkruajnë si një “pastor” të vetëshpallur, duke tentuar të përsërisë ndarjen biblike të Detit të Kuq. Pamjet kanë ngjallur reagime të shumta dhe debat në internet mbi kufijtë e praktikave fetare dhe veprimeve publike me rrezikshmëri të lartë.
Në video shihet burri duke hyrë në det mes dallgëve të forta, duke bërë gjeste dramatike me duar, ndërsa një tjetër person qëndron në breg duke recituar shkrime të shenjta. Sipas raportimeve lokale, situata ka qenë e rrezikshme pasi dallgët e kanë përfshirë disa herë dhe kanë vënë në rrezik serioz personin që po kryente veprimin.
Ngjarja ka rikthyer vëmendjen te rrëfimi biblik i Ndarjes së Detit të Kuq, ku sipas traditës fetare të Judaizmit, Krishterimit dhe Islamit, profeti Moisi (Musa), me urdhër të Zotit, ngriti shkopin e tij dhe ujërat u hapën duke krijuar një shteg të thatë për izraelitët që shpëtuan nga ushtria egjiptiane e faraonit. Në këtë rrëfim, mrekullia nuk i atribuohet fuqisë së Moisiut, por ndërhyrjes hyjnore.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
JOQ Sondazh
KLIKO PËR TË VOTUAR
