Gjatë kontrolleve të befasishme të zhvilluara në burgjet e Lushnjës dhe Elbasanit, autoritetet kanë sekuestruar një pajisje PS4, një USB dhe disa aksesorë që dyshohet se përdoreshin për komunikim të paautorizuar brenda ambienteve të vuajtjes së dënimit.
Kontrollet u kryen në kuadër të rritjes së masave të sigurisë dhe përfshinë regjimet e brendshme, qelitë, hapësirat e përbashkëta dhe sektorët e sigurisë. Sipas burimeve, operacionet synojnë parandalimin e futjes dhe përdorimit të sendeve të ndaluara në institucionet penitenciare.
