Samil El Koudri, me origjinë marokene dhe i lindur në Bergamo të Italisë, është personi që përplasi me makinën e tij një turmë njerëzish në qendër të Modenës pasditen e së shtunës. Pas incidentit, ai tentoi të largohej nga vendngjarja.
Një grup kalimtarësh u vu menjëherë në ndjekje të tij dhe arriti ta neutralizonte. Gjatë përplasjes, Luca Signorelli u godit me thikë nga El Koudri, por pavarësisht plagëve ai ndihmoi në ndalimin e autorit deri në mbërritjen e policisë.
Në pamjet e filmuara nga një kalimtar, autori shihet i shtrirë në tokë dhe i plagosur, ndërsa disa persona e mbajnë të neutralizuar në pritje të ndërhyrjes së forcave të rendit. Autoritetet italiane kanë nisur hetimet për të zbardhur motivet dhe rrethanat e plota të ngjarjes.
