Një aksion blic po zhvillohet këtë të diel në një burg të sigurisë së ulët në zonën e Kosovës së Madhe, në Lushnje. Sipas informacioneve nga burime pranë institucionit, kontrollet po kryhen në blloqet e sigurisë dhe në qelitë e të burgosurve, me fokus gjetjen e sendeve të paligjshme.
Operacioni vijon ende, ndërsa forcat e sigurisë dhe strukturat përgjegjëse po ushtrojnë kontrolle të imtësishme në ambientet e institucionit. Deri më tani nuk janë bërë të ditura detaje zyrtare mbi rezultatet e aksionit.
