Një nga momentet më emocionale të Festivalit të Filmit në Cannes ka ardhur gjatë eventit kushtuar 25-vjetorit të sagës “Fast & Furious”, ku vëmendjen e mori një takim i veçantë mes Vin Diesel dhe Meadow Walker.
Në një skenë që preku publikun e pranishëm, Vin Diesel u pa teksa përqafonte i përlotur Meadow Walker, mes duartrokitjeve të forta në sallë. Momenti riktheu në qendër të vëmendjes lidhjen e ngushtë që aktori kishte me mikun dhe bashkëpunëtorin e tij të ndjerë, Paul Walker.
Pamjet u shpërndanë me shpejtësi në rrjetet sociale, duke u bërë virale dhe duke ngjallur reagime të shumta nga fansat e sagës “Fast & Furious”, të cilët e cilësuan këtë si një nga momentet më prekëse të eventit në Cannes.
Paul Walker humbi jetën tragjikisht në vitin 2013, por figura dhe trashëgimia e tij vazhdojnë të jetojnë përmes filmave dhe kujtimeve të kolegëve e fansave në mbarë botën.
