Presidenti amerikan, Donald Trump, ka bërë një deklaratë që mund të shënojë një zhvillim të rëndësishëm në fushën e mjekësisë, duke njoftuar se SHBA është shumë pranë zbulimit të një medikamenti që mund të parandalojë humbjen e jetëve.
Gjatë një konference për media në Zyrën Ovale më 11 maj, Trump tha se ilaçi ndodhet në fazë testimi dhe sipas tij, rezultatet e para janë konkrete, duke lënë të kuptohet një progres të rëndësishëm në zhvillimin e tij.
“E dimë se ky ilaç funksionon, sepse ne kemi marrë njerëz që kishin vdekur. Kishim një person të cilit i ishin bërë ritet e fundit – iku, fëmijët po qanin etj dhe ia dhamë këtë ilaç. Dhe personi u përmirësua. Funksionon. Tek disa të tjerë nuk do të funksionojë, por mësojmë shpejt", tha ai.
