Pasi largoi shqiptarët dhe ku të rinjtë për të ardhmen shpesh shohin largimin nga vendi, Edi Rama, gjatë një deklarate të përbashkët me kryeministrin estonez Kristen Michal, u bëri thirrje qytetarëve estonezë që të vizitojnë Shqipërinë. Ai tha se numri i turistëve nga Estonia është trefishuar që prej vitit 2023, duke e prezantuar vendin si një destinacion gjithnjë e më tërheqës për vizitorët e huaj.
Në të njëjtën deklaratë, Edi Rama shtoi me nota humori se estonezët do të ndiheshin “si në shtëpinë e tyre” në Shqipëri, duke iu referuar qëndrimeve të përbashkëta ndaj presidentit rus Vladimir Putin. Deklarata u bë në kuadër të promovimit të turizmit, ndërsa në vend vijon debati për emigrimin e të rinjve dhe kërkimin e mundësive jashtë Shqipërisë.
“Është kënaqësi të shohësh trefishimin e numrit të estonezëve që vijnë që prej 2023-shin. Shpresoj se do të zgjatet ky sezon i fluturimit drejtpërdrejtë. Ju ftoj të largoheni nga vendi edhe në dimër, që të vini të gjeni plazhet. Nuk kemi simpati për putin atje, kështu që do të ndiheni krejt si në shtëpi”, tha Rama.
