Qytetarët e Durrësit janë mbledhur sërish ditën e sotme para Bashkisë së qytetit në një protestë, duke kërkuar transparencë dhe sqarime mbi një projekt që sipas tyre rrezikon banesat dhe pronat e tyre. Ata shprehen të shqetësuar se nuk kanë marrë informacion të plotë për ndërhyrjet e planifikuara në zonat ku jetojnë dhe kërkojnë ndalimin e çdo veprimi që cenon pronën private.
Sipas protestuesve, një kërkesë e firmosur nga rreth 20 familje i është drejtuar autoriteteve vendore, ku theksohet kundërshtimi i prishjes së banesave. Banorët deklarojnë se do të vijojnë protestat dhe qëndrimin e tyre deri në sigurimin e garancive ligjore për mbrojtjen e shtëpive dhe pronave të tyre.
Para godinës së Bashkisë së Durrësit janë mbledhur dhjetëra qytetarë, të cilët kërkojnë gjithashtu një takim dhe bashkëbisedim me kryetaren e bashkisë, Emirjana Sako, për të marrë sqarime mbi projektin dhe ndikimin e tij në zonën ku jetojnë.
