Donald Veshaj dhe Romeo Veshaj duket se kanë zgjedhur dy rrugë të ndryshme për të kaluar nga televizioni në botën e biznesit dhe investimeve. Ndërsa Donaldi po synon tregun e ndërtimit dhe kullave, Romeo ka ndjekur një linjë më të tërthortë, ku emri i tij lidhet më shumë me projekte mediatike dhe sponsorime të fuqishme. Sipas Pamfleti, Romeo prej vitit 2021 ka pasur një raport të afërt me biznesmenen Silvana Kulla, e cila njihet në sektorin e makinerive të drurit dhe biznesit industrial.
Kjo lidhje, e mbajtur larg vëmendjes publike, është përfolur si më shumë sesa një njohje e zakonshme, me pretendime se ajo ka pasur rol edhe në mbështetjen financiare të projekteve të tij, përfshirë edhe platformën mediatike të re të Romeos. Në këtë kuadër përmenden edhe kompanitë Simac Group dhe Eurocol si mbështetëse të projekteve të tij, duke e bërë narrativën e suksesit të tij më shumë një kombinim mes medias dhe biznesit sesa vetëm showbiz.
Nga ana tjetër, Donald Veshaj ka hyrë më drejtpërdrejt në fushën e ndërtimit me kompaninë DGC sh.p.k., të themeluar në vitin 2024. Më pas, Anchor Investment bleu një pjesë të aksioneve për një shumë simbolike, duke hapur rrugën për projekte ndërtimi në Vlorë, përfshirë një kullë të planifikuar me 33 kate, leja ndodhet në zyrën e Ramës gati për miratim. Kështu, dy vëllezërit ndjekin dy strategji të ndryshme: njëri mes betonit dhe lejeve të ndërtimit, tjetri mes medias dhe sponsorëve, duke treguar se në Shqipëri suksesi shpesh ndërtohet në më shumë se një mënyrë.
