3 maji shënon Ditën Botërore të Lirisë së Shtypit, e shpallur në vitin 1993 nga Asambleja e Përgjithshme e Kombeve të Bashkuara.
Me këtë rast, Asociacioni i Gazetarëve të Kosovës do të organizojë një panel diskutimi me temën “Ndikimi i profesionit në shëndetin mendor të punonjësve të mediave”, i cili do të nisë në orën 14:00.
Sipas raportit vjetor për vitin 2026 të Organizatës Botërore “Reporterët pa Kufij”, Kosova ka shënuar përparim në lirinë e medias, duke u renditur në vendin e 84-të, që përbën një ngritje prej 15 pozitash krahasuar me vitin paraprak.
