Mbi një milion turistë vizitojnë çdo vit rajonin e Lombardia në Itali, kryesisht për të parë Liqenin e Komos dhe vilat e tij të njohura buzë ujit. Megjithatë, ekspertët e udhëtimeve theksojnë se Europa ofron edhe shumë destinacione të tjera liqenore po aq të bukura, por më pak të mbingarkuara dhe shpesh më të përballueshme.
Një prej tyre është Liqeni i Ohrit, i cili shtrihet mes Maqedonisë së Veriut dhe Shqipërisë dhe është vlerësuar si një nga liqenet më të bukur në Europë. Në anën maqedonase spikat qyteti i Ohrit me rrugët me kalldrëm dhe kishat mesjetare, ndërsa në anën shqiptare dallohen zona të qeta si fshati Lin, i njohur për mozaikët e lashtë dhe peizazhin natyror buzë ujit.
Në listën e Time Out për 10 vendet më të bukura në Europë përfshihen gjithashtu Saturnia në Toskanë, Giant’s Causeway në Irlandën e Veriut, Alberobello në Pulia, Poçitelj në Bosnje dhe Hercegovinë, Fjordet norvegjeze, Kopshtet Kew në Londër, Kanali Prinsengracht në Amsterdam, Lugina e Moselit në Gjermani dhe Casa Batlló në Barcelonë, duke përfaqësuar disa nga destinacionet më të veçanta natyrore dhe kulturore të kontinentit.
