Një qytetar i është drejtuar redaksisë sonë për të denoncuar një rast që ai e cilëson si abuzim me pushtetin dhe shkelje të hapur të ligjit në Orikum.
Sipas pretendimeve të tij, në një objekt në këtë zonë, pronari ka kryer një ndërhyrje të paligjshme duke shtuar një kat mbi ndërtesën ekzistuese, pa qenë i pajisur me lejet përkatëse. Qytetari shprehet se, pavarësisht kësaj shkeljeje, institucionet përgjegjëse nuk kanë ndërhyrë.
Ai hedh dyshime se kjo situatë lidhet me ndikime të mundshme nga pushteti, duke pretenduar se pronari i objektit gëzon mbështetje që i mundëson shmangien e kontrolleve dhe ndëshkimeve ligjore.
Rasti ngre pikëpyetje mbi funksionimin e mekanizmave të kontrollit dhe zbatimit të ligjit në nivel vendor, ndërsa qytetari kërkon ndërhyrje dhe verifikim nga autoritetet përkatëse për të sqaruar situatën dhe për të marrë masat e duhura nëse konstatohen shkelje.
Mesazhi i qytetarit:
Ja ca behet kur mbyllin syte pushtetaret e leku ben te veten. Orikum, shtim kati pa leje.
