Shuhet “Bilbili i Çamërisë, Shaban Zeneli humb betejën me sëmundjen

Lajmi i hidhur është konfirmuar nga familjarët e tij, duke tronditur komunitetin artistik dhe të gjithë dashamirësit e muzikës popullore. Zeneli konsiderohej një ndër zërat më përfaqësues të këngës çame në Shqipëri.

Gjatë një karriere të gjatë në skenë, ai u dallua për interpretimet e ndjera dhe autentike, duke i qëndruar besnik traditës dhe duke kontribuar në ruajtjen e trashëgimisë muzikore të Çamërisë.

Këngët e tij janë përcjellë brez pas brezi dhe janë vlerësuar gjerësisht nga publiku, veçanërisht në Fier dhe në mbarë vendin, ku ai gëzonte respekt të madh si artist i muzikës popullore.

Me ndarjen e tij nga jeta, arti shqiptar humb një zë unik, ndërsa krijimtaria dhe kujtimi i tij do të vazhdojnë të jetojnë në kohë.