Një situatë shqetësuese është raportuar ditën e djeshme në kryeqytet, pranë zonës së njohur si Kthesa e Kamzës, ku një qytetar i është drejtuar redaksisë sonë për të denoncuar një incident që ka shkaktuar panik tek pasagjerët e një linje urbane.
Sipas dëshmisë së tij, një person i paidentifikuar ka hyrë në autobus duke mbajtur në dorë një pistoletë, për të cilën ende nuk është e qartë nëse bëhet fjalë për armë të vërtetë apo lodër. I njëjti ka kërcënuar pasagjerët, duke krijuar tension dhe frikë në ambientet e mjetit të transportit publik.
Qytetari që ka raportuar ngjarjen ka mundur të sigurojë edhe pamje filmike të personit në fjalë, teksa ky i fundit shihet duke mbajtur armën në dorë.
Ngjarja ka ngritur shqetësime serioze për sigurinë në transportin publik, ndërsa pritet një reagim zyrtar nga strukturat e rendit për të sqaruar rrethanat e incidentit dhe për të konfirmuar nëse arma e përdorur ka qenë e vërtetë apo jo.
Mesazhi i qytetarit:
Pershendetje JOQ, sot ne terminal tek kthesa e kamzes nje burre me pistolete. Kur ishte ne autobus po kercenonte te gjithe pasagjeret
