Një aksident fatal është regjistruar pak minuta më parë në aksin rrugor Fier–Seman, në zonën e njohur si Fermë-Çlirim.
Sipas informacioneve paraprake, një automjet është përplasur me një biçikletë. Si pasojë e goditjes së fortë, drejtuesi i biçikletës, rreth 65 vjeç, ka ndërruar jetë në vendngjarje. Ndërkohë, automjeti i përfshirë në aksident ka dalë nga rruga duke përfunduar në kanalin anësor.
Menjëherë pas ngjarjes, në vend kanë mbërritur tre ambulanca, forcat e policisë si dhe grupi hetimor, i cili po punon për zbardhjen e plotë të rrethanave dhe shkaqeve të këtij aksidenti tragjik.
