Një vajzë 5-vjeçare është dërguar me urgjencë për mjekim në spitalin e Pogradecit ditën e djeshme, ndërsa më pas është transportuar drejt Spitalit të Traumës në Tiranë për trajtim më të specializuar. Sipas informacioneve paraprake, ishin familjarët që kërkuan ndihmë mjekësore menjëherë pas ngjarjes.
Policia vendore ka nisur hetimet për të zbardhur rrethanat dhe shkaqet e incidentit. Bazuar në dëshminë e prindërve, dyshohet se ngjarja ka qenë aksidentale, pasi e mitura është rrëzuar nga një karrige në banesë teksa po luante.
Në njoftimin zyrtar bëhet e ditur se materialet procedurale janë referuar në Prokurorinë e Korçës për vlerësim dhe veprime të mëtejshme. Ndërkohë, autoritetet po vijojnë verifikimet për të konfirmuar plotësisht dinamikën e ngjarjes.
