Një aksident i rëndë automobilistik është regjistruar ditën e sotme në aksin rrugor Elbasan–Librazhd, në afërsi të fshatit Xibrakë.
Sipas informacioneve paraprake, në aksident janë përfshirë të paktën katër automjete, të cilat janë përplasur me njëra-tjetrën në rrethana ende të paqarta. Si pasojë e përplasjes së fortë, një person ka humbur jetën, ndërsa disa të tjerë kanë mbetur të plagosur dhe janë transportuar me urgjencë drejt spitalit për të marrë ndihmën e nevojshme mjekësore.
Nga informacionet e deritanishme bëhet e ditur se viktima është një shtetas i huaj.
Në vendngjarje kanë mbërritur menjëherë forcat e policisë dhe ekipet e emergjencës, të cilat po punojnë për zbardhjen e plotë të shkaqeve të aksidentit, dokumentimin e tij, si dhe për normalizimin e qarkullimit në këtë segment rrugor.
