Një pamje e pazakontë, por interesante është regjistruar në bregun e Palasës, ku një peshkaqen është parë duke notuar pranë vijës bregdetare.
Pushuesit që ndodheshin në zonë e kanë parë me kureshtje këtë “vizitor” të rrallë, ndërsa disa prej tyre kanë arritur ta filmojnë momentin. Pavarësisht surprizës, situata ka kaluar pa asnjë incident dhe nuk raportohet për persona të lënduar.
Raste të tilla janë të rralla dhe shpesh lidhen me lëvizjet natyrore të faunës detare, duke mos përbërë domosdoshmërisht rrezik për njerëzit. Përkundrazi, prania e tyre shihet edhe si tregues i një ekosistemi detar të gjallë dhe të pasur.
