Ministri për Punët e Jashtme, Ferit Hoxha, është përfshirë në një skandal pas publikimit të një mesazhi në një grup komunikimi në WhatsApp me diplomatë, ku dyshohet se ka përdorur gjuhë fyese ndaj shqiptarëve në Maqedoninë e Veriut. Në mesazh ai shprehet: “Po ata idiotët shqiptarë atje, çfarë thonë?”, duke reaguar ndaj një lajmi të shpërndarë në grup që flet për Edi Ramën.
Pas publikimit të këtij komunikimi, mesazhi rezulton të jetë fshirë nga grupi, çka ka shtuar dyshimet dhe reagimet publike mbi vërtetësinë dhe përmbajtjen e tij. Ngjarja ka ngjallur debat të gjerë për etikën në komunikimin institucional dhe standardet që priten nga përfaqësuesit e lartë të diplomacisë shqiptare.
