Një shqetësim serioz për ndërhyrjet në vijën bregdetare të Radhimës është bërë publik nga redaksia e JOQ Albania, duke denoncuar një ndërtim të pazakontë në zonë, që po shtrihet deri në det.
Qytetarja e cila bashkëpunoi me ne duke dërguar edhe pamje nga kantieri, ku duket një objekt në ndërtim që, sipas denoncimit, po avanconte në mënyrë të dukshme drejt ujit, duke ngritur dyshime se “po ndërtohet brenda në det”. Ajo shprehu hapur shqetësimin e saj duke u shprehur se bënte çdo vit pushimet aty por kurrë nuk kishte pasur punime të tilla.
Mësohet se menjëherë pas publikimit të shqetësimit në JOQ, në zonë ka mbërritur edhe policia, e cila po verifikon situatën në terren dhe nëse objekti po ndërtohet në përputhje me ligjin dhe lejet përkatëse.
