Një tjetër shqetësim që ngre pikëpyetje mbi sigurinë dhe respektimin e hapësirës private ka mbërritur në redaksi, këtë herë nga Fieri.
Një qytetar denoncon se një kabull elektrik kalon në mënyrë të papërshtatshme në taracën e apartamentit ku ai banon, duke krijuar jo vetëm shqetësim, por edhe rrezik potencial për sigurinë e familjarëve. Kabulli i cili vjen nga kabina elektrike për tu lidhur me një prej kabinave të tjera në pallatin ngjitur kalon pikërish mbi apartamnetin e tij.
Ngjarja raportohet në zonën e “Konferenca e Pezës” në Fier, ku banori ka dërguar edhe pamje filmike për të ilustruar situatën. Ai kërkon ndërhyrjen e institucioneve përkatëse për të verifikuar ligjshmërinë e këtij veprimi dhe për të marrë masa të menjëhershme, përpara se situata të përshkallëzohet në një incident më të rëndë.
Raste të tilla rikthejnë në vëmendje problemet e vazhdueshme me menaxhimin e infrastrukturës elektrike në zonat e banuara, ku shpesh neglizhenca dhe mungesa e kontrollit mund të kthehen në kërcënim serioz për jetën e qytetarëve.
