Të shtëna me armë zjarri janë raportuar mbrëmjen e kësaj të marte në Memaliaj.
Sipas informacioneve paraprake, dyshohet se si pasojë e të shtënave ka mbetur i vrarë një person, i identifikuar si 33-vjeçari Endri Goxhaj alias Shehu.
Ngjarja ka ndodhur në rrethana ende të paqarta, ndërsa forcat e policisë kanë mbërritur në vendngjarje dhe kanë nisur hetimet për zbardhjen e plotë të saj.
Aktualisht po punohet për identifikimin e autorit apo autorëve, si dhe për sqarimin e motiveve që çuan në këtë krim të rëndë.
Detaje të tjera pritet të bëhen publike në vijim.
