Një ngjarje e rëndë është regjistruar këtë të martë në Vlorë, ku një person ka mbetur i plagosur rëndë pas një sulmi me mjet prerës.
Sipas të dhënave paraprake, i lënduar ka mbetur 25-vjeçari Soni Latifaj, i cili është transportuar me urgjencë drejt spitalit për të marrë ndihmë mjekësore. Burime bëjnë me dije se gjendja e tij paraqitet e rëndë.
Ende nuk janë zbardhur rrethanat e plota të incidentit, ndërsa mbetet e paqartë se çfarë e ka shkaktuar konfliktin që çoi në përdorimin e thikës.
Forcat e policisë kanë nisur hetimet dhe janë vënë në kërkim të autorit, ndërsa po punohet për të hedhur dritë mbi dinamikën e ngjarjes dhe për të përcaktuar nëse bëhet fjalë për një konflikt të momentit apo për një përplasje me precedentë të mëparshëm.
