Është zbardhur rasti i dëmtimit të një varri në varrezat e qytetit të Lushnjës, ku dyshohet se janë prekur eshtrat e një gruaje të varrosur aty, pas hapjes së një grope nëntokësore.
Policia bën me dije se autori i dyshuar është 36-vjeçari Edison Ngresi, i cili raportohet se vuan nga probleme të shëndetit mendor. Ai është shoqëruar nga shërbimet e Policisë në Komisariatin e Lushnjës për veprime të mëtejshme.
Ngjarja është konstatuar rreth orës 10:00 nga roja i varrezave, i cili ka vënë re dëmtime në pjesën e sipërme të një varri. Dyshohet se gërmimi është kryer nga shtetasi Ngresi, ndërsa grupi hetimor po vijon punën për sqarimin e plotë të rrethanave të rastit.
Sipas të dhënave paraprake, i njëjti person ka qenë edhe më herët problematik në zonë.
