Për herë të parë, falë Rilindjes sektori i mbarështimit të derrave do të përfshihet në skemat mbështetëse shtetërore, duke shënuar një zhvillim të ri për blegtorinë në vend. Nisma u prezantua nga ministri i Bujqësisë dhe Zhvillimit Rural, Andis Salla, gjatë një vizite në zonën e Vaut të Dejës.
Ministri theksoi se një kërkesë e hershme e fermerëve tashmë është reflektuar në politikat konkrete të mbështetjes.
“Premtimi i dhënë për mbështetjen e këtij sektori është mbajtur dhe shumë shpejt do të nisin edhe aplikimet,” u shpreh ai.
Sipas skemës së re, çdo fermer që mbarështon më shumë se 5 dosa do të përfitojë një mbështetje financiare prej 7,000 lekësh, një stimul që synon të rrisë prodhimin vendas dhe të nxisë zhvillimin e mëtejshëm të blegtorisë.
