Një ngjarje tragjike ka ndodhur ditën e sotme rreth orës 13:00 në zonën e Sotirës, në fshatin Dardhë, në kufirin mes qarqeve Berat dhe Elbasan.
Një 53-vjeçar nga Durrësi, i identifikuar si Robert Cangolli, ka humbur jetën pasi është rrëzuar në një terren të thepisur shkëmbor. Ai ishte shofer furgoni dhe kishte transportuar një grup turistësh të huaj drejt pikës turistike “Ujëvara e Sotirës”. Gjatë shëtitjes me ta, dyshohet se ka humbur ekuilibrin dhe ka rënë, duke pësuar plagë të rënda që i shkaktuan vdekjen.
Trupi i tij është transportuar në morgun e Spitalit Rajonal të Beratit për ekzaminim mjeko-ligjor, ndërsa policia, e mbërritur në vendngjarje, po vijon hetimet dhe po dokumenton rrethanat e plota të aksidentit.
