Një pusetë e hapur në një nga zonat më të frekuentuara të kryeqytetit është kthyer në rrezik për kalimtarët dhe automjetet.
Kjo pusetë, kapaku i të cilës është dëmtuar, ndodhet para Kishës Ortodokse në Tiranë.
Sipas dëshmive të qytetarëve, puseta e hapur ndodhet në një segment me qarkullim të lartë, duke krijuar rrezik të vazhdueshëm për aksidente, sidomos gjatë orëve të mbrëmjes kur dukshmëria është e ulët.
Banorët dhe kalimtarët kërkojnë ndërhyrje urgjente nga autoritetet për riparimin e kapakut dhe sigurimin e zonës, në mënyrë që të shmangen incidente të mundshme.
