Një rast vjedhjeje është denoncuar nga një qytetar që ka në pronësi një argjendari në zonën e Kamzës.
Sipas tij, një i ri që është paraqitur si klient i ka vjedhur një medaljon floriri, duke e fshehur tinëzisht poshtë telefonit, ndërsa bënte sikur po shikonte produktet.
E gjithë skena është kapur nga kamerat e sigurisë, ku shihet qartë momenti kur ai e vendos medaljonin poshtë telefonit.
Pronari i biznesit i bën thirrje publike personit në fjalë që ta kthejë mbrapsht sendin e marrë, përpara se rasti të ndiqet më tej në rrugë ligjore.
Nëse dikush e njeh personin në video, lutet të kontaktojë për të ndihmuar në identifikimin e tij.
