Një ngjarje tragjike ka tronditur zonën e Cossombratos, në provincën e Astit në Itali, ku një shtetas shqiptar dyshohet se ka vrarë ish-bashkëshorten dhe partnerin e saj të ri, përpara se t’i japë fund jetës.
Sipas mediave italiane, autori i dyshuar është Astrit Koni, i cili jetonte prej rreth 20 vitesh në Itali. Viktima është ish-bashkëshortja e tij, Drita Koni, gjithashtu me origjinë shqiptare, si dhe partneri i saj aktual.
Nga të dhënat paraprake, dyshohet se krimi është kryer me një mjet bujqësor, ndërsa trupat e viktimave janë gjetur pranë një zone rurale.
Pas ngjarjes, burri dyshohet se është hedhur nga kalaja e fshatit, ku punonte si kopshtar, duke humbur jetën.
Hetimet janë ende në vijim, ndërsa një nga pistat kryesore lidhet me konfliktet e mundshme personale mes autorit dhe ish-bashkëshortes.
Autoritetet italiane po punojnë për të sqaruar plotësisht rrethanat e kësaj ngjarjeje të rëndë.
