Një 17-vjeçar ka përfunduar në spital për ndihmë mjekësore, pasi është plagosur me thikë nga një 24-vjeçare.
Sipas policisë së Tiranës, i mituri kishte hyrë në një banesë që përdorej për prostitucion, ku ndodhej edhe 24-vjeçarja. Në momentin që ai ka tentuar ta vjedhë me dhunë, punonjësja 24-vjeçare ka nxjerrë thikën dhe e ka goditur.
Në vijim të veprimeve, policia arrestoi si 24-vjeçaren, ashtu edhe 17-vjeçarin, ndërsa nisi procedim penal në gjendje të lirë për një 30-vjeçar.
Sipas njoftimit zyrtar, gjatë kontrollit në banesë u gjet edhe një sasi kokaine, që dyshohet se i përkiste 30-vjeçarit.
