Rëndohet bilanci i aksidentit të rëndë të ndodhur ditën e sotme në Rrugën e Kombit, në segmentin Rrëshen–Milot.
Mësohet se një automjet i drejtuar nga shtetasi Nikoll Prenga, 61 vjeç, është përplasur me një tjetër mjet, në timonin e të cilit ndodhej shtetasi D. P., 30 vjeç. Përplasja ka rezultuar fatale, duke sjellë humbjen e jetës së dy personave.
Si pasojë e aksidentit kanë ndërruar jetë drejtuesi i njërit prej automjeteve, Nikoll Prenga, si dhe Franush Palaj, rreth 57 vjeç, babai i drejtuesit të automjetit tjetër.
Ndërkohë, janë plagosur drejtuesi i mjetit tjetër, shtetasi D. P., si dhe katër pasagjerë. Të lënduarit janë transportuar me urgjencë drejt Spitalit të Traumës, ku po marrin ndihmën e nevojshme mjekësore.
