Gjobaxhinjtë e Bashkisë s’falin, qytetares i marrin makinën, të kolegut s’e shohin

Ajo tregon se kishte parkuar automjetin për disa minuta pranë zonës së njohur si “rruga e burgut”, ku ndodhen edhe zyrat e policisë bashkiake. Pasi është larguar për një kohë shumë të shkurtër, në kthim është përballur me një situatë që e cilëson të papranueshme: makina e saj veç se ishte gjobitur ishte marrë me karotrec dhe ishte transportuar drejt ambienteve të policisë bashkiake.

Ndërkohë, sipas saj, pranë automjetit të saj ishte i parkuar edhe një mjet tjetër, në xhamin e të cilit ndodhej një shenjë identifikuese e një punonjësi të policisë bashkiake, e prekurr, vijonte të qëndronte aty dhe pa asnjë masë ndëshkuese.

Qytetarja pranon se parkimi i saj ka qenë i gabuar, por ngre një pikëpyetje mbi standardin e dyfishtë në zbatimin e ligjit, duke kërkuar trajtim të barabartë për të gjithë, pa përjashtime.