Ky është momenti kur një punonjëse seksi varet nga dritarja e një bordelloje, teksa përpiqet me dëshpërim t’i shpëtojë një aksioni policor.
Videoja tronditëse tregon një grua me tanga duke u përpjekur të arratiset nga një dritare në katin e dytë, ndërsa dy oficerë përpiqen ta arrestojnë.
Gruaja është filmuar duke u varur në parvazin e dritares së bordellos në qytetin rus Nizhny Novgorod.
Më pas ajo rrëshqet dhe mbetet e varur rreth 4.5 metra në ajër. Policia e kap ndërsa përpiqet ta tërheqë sërish brenda në dhomë.
Ajo përpiqet me dëshpërim të largohet kur një oficer i dytë vjen për ta ndihmuar dhe e tërheqin lart përmes dritares, duke përfunduar në një pozicion të sikletshëm me pjesën e pasme të ekspozuar.
Të paktën gjashtë gra u arrestuan gjatë aksionit në këtë bordello të paligjshme në Rusi.
Sipas autoriteteve, ambienti u mbyll.
Policia po godet aktivitetin e punës seksuale në Rusi në kuadër të një fushate të deputetit pro-Putin, Vitaly Milonov, i cili shpesh viziton bordellot për të kërkuar ndërhyrje nga policia.
“Dua dënim penal për të gjitha prostitutat, të gjitha punonjëset eskortë,” është shprehur ai.
Bordellot janë të paligjshme në Rusi.
Vetë prostitucioni konsiderohet shkelje administrative, ndërsa organizimi i tij është vepër penale.
Kjo ndodh ndërkohë që shumë prostituta ruse po shkojnë drejt vijës së frontit të luftës, ku mund të fitojnë deri në 13,000 paund në javë.
Një industri e madhe seksi është shfaqur pranë zonës së luftës, për shkak të ushtarëve të traumatizuar që kërkojnë të lehtësojnë stresin nga tmerret e konfliktit.
Gratë, të cilat zhvendosen për të “shërbyer”, thonë se mund të fitojnë deri në 13,000 paund në javë duke punuar pranë zonave të rrezikshme të luftës.
Është e qartë se ushtarët rusë janë të gatshëm të shpenzojnë pagat dhe kompensimet e luftës për shërbime seksuale, duke arsyetuar se mund të vriten në çdo moment.
Madje, sipas raportimeve, disa takime intime ndodhin edhe nëpër llogore, ndërsa mbi kokat e tyre fluturojnë plumba, predha dhe dronë.
