Një aksident i rëndë rrugor është regjistruar në Itali, me pasoja tragjike.
Dy automjete u përplasën fuqishëm në zonën e Friulit, duke i marrë jetën njërit prej drejtuesve, ndërsa shoferi tjetër, shtetas shqiptar, ndodhet në gjendje kritike për jetën. Ai është transportuar me urgjencë me helikopter drejt spitalit të Udines, ku po merr trajtim intensiv.
Sipas policisë, aksidenti ndodhi në zonën e Marianos dhe përfshiu një kamion të drejtuar nga shqiptari dhe një furgon frigoriferik që drejtohej nga viktima. Përplasja ka qenë e fortë, duke shkaktuar pasoja fatale.
Ndërkohë, identiteti i shoferit shqiptar nuk është bërë ende publik, ndërsa mjekët po luftojnë për ta mbajtur në jetë.
