Kurbinsja hipën mbi kangjella dhe futet me forcë në oborrin e SPAK

Një incident i pazakontë u regjistrua këtë të mërkurë para ambienteve të Prokurorisë së Posaçme kundër Korrupsionit dhe Krimit të Organizuar, ku një grua nga Kurbini arriti të kapërcente perimetrin e sigurisë dhe të hynte brenda zonës së mbrojtur.

Menjëherë pas veprimit, ajo u kap nga efektivët e policisë, të cilët ndërhynë dhe e morën nën kontroll, duke e larguar nga ambientet e SPAK. Shkaku i këtij veprimi lidhet me një konflikt pronësie, për të cilin ajo pretendon se po i merret prona e saj dhe se prej vitesh nuk po gjen zgjidhje ligjore për çështjen.