Është kërkuar dënim me burgim të përjetshëm për të akuzuarit për sulmin në Banjskë, duke u theksuar se provat e administruara dëshmojnë një organizim me qëllim terrorist dhe cenimin e rendit kushtetues të Kosovës.
Prokurori i rastit, Naim Abazi theksoi se të akuzuarit Blagoje Spasojeviq, Vladimir Toliq dhe Dushan Maksimoviq, duhet të shpallen fajtorë për veprat penale për të cilat akuzohen dhe të dënohen me dënimin maksimal të paraparë me ligj.
