Një akt i jashtëzakonshëm guximi është regjistruar gjatë ndërhyrjes për shuarjen e zjarrit, ku një zjarrfikës ka depërtuar përmes flakëve për të shpëtuar një grua që kishte mbetur e bllokuar brenda apartamentit.
Mes tymit të dendur dhe temperaturave ekstreme, zjarrfikësi nuk ka hezituar të rrezikojë jetën e tij, duke hyrë në ambientin e përfshirë nga flakët për të arritur tek gruaja, e cila nuk kishte mundësi të dilte vetë.
Pas një ndërhyrjeje të shpejtë dhe të koordinuar, ai arriti ta nxjerrë të gjallë nga apartamenti, duke shmangur një tragjedi të mundshme. Gruaja është dërguar për ndihmë mjekësore, ndërsa gjendja e saj raportohet jashtë rrezikut për jetën.
Ngjarja ka prekur qytetarët, të cilët e kanë cilësuar ndërhyrjen si një akt të pastër heroizmi, duke rikthyer edhe njëherë vëmendjen tek sakrifica e përditshme e forcave zjarrfikëse.
