Janë publikuar pamjet e rënda nga një sulm me armë në një shkollë profesionale në Turqi, ku një 19-vjeçar hapi zjarr dhe plagosi 16 persona, përpara se të humbte jetën gjatë ndërhyrjes policore.
Ngjarja ndodhi në orët e mëngjesit në Shkollën e Mesme Profesionale dhe Teknike “Ahmet Koyuncu” në Siverek, Sanliurfa, ku autori i dyshuar hyri i armatosur dhe qëlloi pa dallim ndaj nxënësve dhe stafit, duke shkaktuar panik të madh.
Sipas autoriteteve turke, 19-vjeçari Omer Ket, ish-nxënës i shkollës, kishte ndjekur mësimet deri në klasën e nëntë dhe më pas ishte regjistruar në një program me mësim në distancë.
Gjatë operacionit policor për neutralizimin e tij, ai dyshohet se i dha fund jetës brenda ambienteve të shkollës.
Raportohet gjithashtu se para sulmit, ai kishte publikuar një mesazh paralajmërues në Instagram, ku shkruante: “Përgatituni, do të ketë një sulm në këtë shkollë brenda pak ditësh.”
Në vendngjarje u dërguan forca të shumta policie dhe ekipe mjekësore, ndërsa dëshmitarët thanë se sulmuesi fillimisht hapi zjarr në oborr dhe më pas hyri brenda godinës duke vijuar sulmin.
