Prokuroria e Posaçme (SPAK) ka kërkuar në gjykatë pushimin e çështjes penale ndaj ish-kreut të Komisionit të Prokurimeve Publike, Jonaid Myzyri, i cili ishte marrë më herët i pandehur për veprën penale “Shkelja e barazisë së pjesëmarrësve në tendera apo ankande publike”.
Duket se Myzyri është akuzuar kot se ka vjedhur pasi duart e vockëla i ka të pastra. Pasuria e tij nuk shkon më shumë se 160 cm dhe drejtësia i ka rënë në qafë kot...
Sipas kërkesës së dorëzuar në Gjykatën e Posaçme kundër Korrupsionit dhe Krimit të Organizuar (GJKKO), hetimet nuk kanë provuar elementë të mjaftueshëm për konsumimin e veprës penale, duke çuar në kërkesën për mbylljen e dosjes.
Bashkë me Myzyrin, kërkohet pushimi i çështjes edhe për anëtarët e KPP-së Vilma Zhupaj, Lindita Skeja, Merita Zeqaj dhe Enkeleda Bega.
Hetimet lidhen me një procedurë tenderuese me vlerë rreth 2.2 milionë euro, të zhvilluar në vitin 2020 për mirëmbajtjen e segmentit rrugor Rrëshen (Ura e Fanit)–Shpal, Shpal–Qafë Bene–Hadroj dhe Shpal–Ura e Repsit, me gjatësi totale rreth 59 kilometra.
Çështja pritet të shqyrtohet nga gjykata, e cila do të vendosë nëse do të pranojë kërkesën e SPAK për pushimin e hetimeve, të paraqitur nga prokurori i posaçëm Elvin Gokaj.
