Një aksident rrugor është regjistruar paraditen e sotme në rrugën Transballkanike, ku një automjet ka përplasur një grua teksa po kalonte në vijat e bardha.
Sipas të dhënave paraprake, e lënduara është rreth 64 vjeç dhe ndodhej duke kaluar rrugën në momentin kur u godit nga mjeti. Fatmirësisht, ajo ka shpëtuar pa pasoja të rënda.
Burime nga bluzat e bardha bëjnë me dije se gruaja ka pësuar lëndime të lehta, kryesisht një dëmtim në këmbën e majtë. Ajo është transportuar menjëherë për të marrë ndihmën e nevojshme mjekësore.
Ndërkohë, autoritetet kanë nisur hetimet për të zbardhur rrethanat e plota të aksidentit. Ky është akseidenti i disatë në qytetin bregdetar ku makinat përplasin këmbësorët në vija të bardha.
