Një video emocionuse po bën xhiron e rrjeteve sociale, ku protagoniste është një gjyshe 90-vjeçare me emrin Bajame. Në pamjet e publikuara, ajo shfaqet duke kërcyer me shumë energji së bashku me djemtë e saj, ndërsa në sfond dëgjohet kënga e Bajames. Atmosfera familjare duket e mbushur me gëzim, humor dhe dashuri.
Me buzëqeshje në fytyrë dhe lëvizje plot ritëm, gjyshja Bajame tregon se mosha nuk është pengesë për të shijuar jetën dhe muzikën. Energjia e saj ka tërhequr vëmendjen e shumë përdoruesve, të cilët e kanë shpërndarë videon dhe e kanë kthyer në një moment viral. Djemtë shihet që e mbajnë në supe dhe e puthin.
Reagimet kanë qenë tepër pozitive, ku shumë komentues shprehen se kjo video ua ka zbukuruar ditën. Momente të tilla tregojnë se gëzimi i thjeshtë familjar dhe muzika kanë fuqinë të bashkojnë brezat dhe të sjellin buzëqeshje tek të gjithë.
