Detaje të reja kanë dalë në dritë lidhur me ngjarjen tragjike ku një 31-vjeçar ka humbur jetën, dyshohet si pasojë e kontaktit me rrymën elektrike. Viktima është Igli Gjoca, nga Bajkaj i Delvinës, i cili ushtronte aktivitetin e tij si pronar i një servisi automjetesh në zonën e Vrionit.
Sipas informacioneve paraprake, i riu është transportuar me urgjencë drejt spitalit në Sarandë menjëherë pas incidentit, por fatkeqësisht nuk ka mundur t’i mbijetojë plagëve të marra. Autoritetet po punojnë për të zbardhur plotësisht rrethanat e ngjarjes dhe për të përcaktuar shkaqet e sakta të aksidentit.
Humbja e tij ka shkaktuar dhimbje të madhe te familjarët dhe të afërmit. Igli Gjoca ishte i martuar dhe priste të bëhej baba i një vajze, çka e bën këtë ngjarje edhe më të rëndë për të gjithë ata që e njihnin.
