Momente paniku janë shënuar pasditen e djeshme në një lokal në Tiranë, ku një konflikt mes dy personave ka degjeneruar deri në përdorimin e armës së zjarrit. Ngjarja ka ndodhur në rrugën “Myslym Keta”, në ambientet e jashtme të lokalit.
Sipas policisë, shtetasi Agim Visha, 50 vjeç, është konfliktuar për motive të dobëta me një 38-vjeçar me inicialet I. D. dhe dyshohet se ka tentuar ta vrasë atë me një pistoletë që e mbante pa leje. Agim Visha dhe 38-vjeçari njiheshin me njëri-tjetrin, ata janë konfliktuar për një borxh prej 100 euro.
