Një aksident i rëndë rrugor është shënuar mbrëmjen e djeshme në aksin Fushë Krujë–Vorë, ku një automjet ka përplasur një këmbësore, e cila për pasojë ka humbur jetën në vend.
Ngjarja ka ndodhur në afërsi të zonës së njohur si Ura e Gjolës.
Sipas informacioneve paraprake, rrethanat e aksidentit nuk janë ende të qarta, ndërsa autoritetet po punojnë për të përcaktuar shkaqet dhe përgjegjësitë e këtij rasti tragjik.
Drejtuesi i automjetit është shoqëruar në komisariat për veprime të mëtejshme procedurale, ndërkohë që grupi hetimor ndodhet në vendngjarje dhe vijon punën për zbardhjen e plotë të aksidentit.
