Ishte arratisur nga Athina 7 vjet më parë, në pranga shqiptari i rrezikshëm

Policia greke ka arrestuar një shqiptar të cilësuar si i rrezikshëm, i cili kishte marrë pjesë në një arratisje spektakolare nga Athina në qershor 2019. Gjatë asaj ngjarjeje, ai dhe tre bashkatdhetarë të tjerë kishin kërcënuar policët me mjete prerëse dhe armë të improvizuara, kishin marrë nën kontroll një automjet policie dhe kishin qëlluar disa herë ndaj efektivëve, fatmirësisht pa shkaktuar të lënduar.

Burri u kap pas një ndjekjeje në këmbë në Tregun e Perimeve të Rentis dhe u dërgua në burg. Pas lirimit të përkohshëm, ai dhe bashkëpunëtorët e tij tentuan të grabisnin një burrë në zonën e Thermos në Aitoloakarnania, duke ngritur një barrikadë jashtë shtëpisë dhe duke qëlluar me armë në ajër për të frikësuar viktimën. Grabitja dështoi pasi viktima bërtiti dhe trazoi lagjen, duke shpërndarë sulmuesit.

Pas hetimeve, policia arriti të lokalizonte makinën dhe apartamentin Airbnb që autorët kishin marrë me qira dhe i prangosën. Gjatë kontrollit u gjet një pushkë luftarake me dy karikatorë të lidhur me shirit elektrik, duke përmbajtur gjithsej 57 fishekë të kalibrit 7.62 mm. Midis të arrestuarve ishin dy shqiptarë të tjerë që kishin arratisur nga Qendra e Paraburgimit Rural Kassavetia në janar 2025.