Detaje të reja kanë dalë në dritë nga ngjarja e rëndë e regjistruar mbrëmjen e djeshme në qendër të Shkodrës, ku dy të rinj, 19-vjeçari Enis Preza dhe 17-vjeçari Elio Shullani mbetën të plagosur me thikë.
Autori i dyshuar është identifikuar si Nikson Kodra, një person me precedentë penalë. Sipas burimeve, ai ka qenë më parë i ndaluar nga policia për armëmbajtje pa leje dhe për çështje që lidhen me lëndë narkotike.
Pas incidentit, të rinjtë e plagosur u transportuan menjëherë në spital, ku po marrin ndihmën e nevojshme mjekësore.
Ndërkohë, autoritetet vijojnë hetimet për të zbardhur rrethanat e plota të ngjarjes dhe për të dokumentuar ligjërisht rastin.
