35-vjeçari Spiro Dhimaleksi, i cili një ditë më parë mbajti peng dhe kërcënoi jetën e prindërve të tij në Himarë, pas ndihmës mjekësore të marrë në Spitalin e Vlorës për disa prerje me thikë, është shtruar sot në Spitalin Psikiatrik “Ali Mihali”, ku po mbahet nën vëzhgim.
Sipas mjekëve psikiatër, ai nuk rezulton i regjistruar me diagnozë të mëparshme të problemeve të shëndetit mendor, por është përdorues i lëndëve narkotike në gjendje të rënduar.
Burime mjekësore bëjnë me dije se gjatë komunikimit të sotëm, 35-vjeçari është shfaqur më i kthjellët, ndërsa pritet të marrë trajtim të specializuar edhe nga toksikologët.
Ndërkohë, para policisë, Dhimaleksi ka deklaruar se veprimin e ndërmori pasi dyshonte se prindërit e tij synonin t’i merrnin pronat.
